BR LA UNION – Nangidatag ti Department of Trade and Industry (DTI) iti pormal a reklamo kontra iti walo a kontratista a maipagarop a karaman iti iskandalo iti flood control projects.
Segun iti DTI, dagiti reklamo ket naidatag iti sidong ti Executive Order No. 913 (1983) ken dadduma pay a linteg a pangkalakalan, gaputi posible a panaglabsing iti construction industry regulations dagiti nasao a kontratista.
Kabilang dagiti nakaswan a kontratista ket ti sumagmamano iti top 15 firms a maipagarop a nangkubra ti 20% iti P545-bilyon a flood control contracts, segun kenni President Ferdinand “Bongbong” Marcos Jr.
Dagiti nakaswan:
Legacy Construction Corporation
Centerways Construction & Development Inc.
Alpha & Omega General Contractor & Development Corp.
MG Samidan Construction
L.R. Tiqui Builders Inc.
QM Builders
EGB Construction Corporation
Hi-Tone Construction & Development Corp.
Segun kenni Trade Secretary Cristina Roque, naidatag dagiti reklamo idiay Philippine Contractors Accreditation Board – Monitoring and Enforcement Division (PCAB-MED), nga agim-imbestigar iti panaglabsing dagiti kontratista.
Innayon pay ti DTI, mabalin a masuspinde ti lisensya dagiti karaman bayat nga agtultuloy iti imbestigasyon.
Malaksid kadagiti walo, walo pay a kontratista ti nakatuding a makaswan ti reklamo, kabilang iti Triple 8 Construction & Supply, Topnotch Catalyst Builders, Sunwest Inc., ken Road Edge Trading & Development Services.
Siniguro ti DTI nga agtultuloy iti fact-finding investigation iti pannaki-koordinar iti Independent Commission for Infrastructure (ICI) tapno agtalinaed iti transparency ken accountability kadagiti proyekto ti gobyerno.
