BR LA UNION – Nabotosan ni sigud nga eight-division world champion Manny Pacquiao kas Bise Presidente ti International Boxing Association (IBA).
Kadwa na iti nasao nga asosasyon ni President Umar Kremlev tapno agaramid ti athlete-first program.
Immuna a nabigbig iti grupo kas Amateur International Boxing Association(AIBA) ken mangimatmaton ti sports iti Olympics.
Namin-adun a daras a binallaagan ti International Olympic Committee gaputi problema iti panangimaton ti pondo ken panangimaton nga adda pakainaigan na iti AIBA sakbay iti Tokyo Olympics idi 2021.
Gaputi dayta, napili ti IOC iti World Boxing a mangidaulo iti 2028 Los Angeles Olympics.
Mamati ni Pacquiao nga adda napintas a gubwayen iti IBA kadagiti boksingero a pakipasetan ti tunggal pagilian.
Kayatna a masiguro nga awan ti uray siasino a boksingero a mabati ken malipatan.
