Pinaglibakan manen da Senador Joel Villanueva ken Jinggoy Estrada iti panakairaman da iti maipagarop a korapsion kadagiti flood control projects.
Kasaruno daytoy ti rekomendasion ti Independent Commission for Infrastructure (ICI) iti Office of the Ombudsman (OMB) a pilaan ti kaso a plunder, bribery, ken dadduma pay a reklamo ti korapsyon dagiti dua a senador gapo ti maipagarop a panagbenepisyar da kadagiti maanomalya a proyekto.
Impaganetget ni Villanueva a makita kadagiti record ti Senado a rugrugi pay laeng ket tubnaren nan dagiti flood control projects, ken isuna a mismo iti nangibutaktak ken agdamdamag maipanggep kadagitoy a proyekto nga aginggana ita ket saan pay a naipatpatungpal.
Maymaysa laeng iti testinomya ni sigud a DPWH District Engineer Henry Alcantara — nga awan ti ammona kadagiti flood control projects.
Nupay kasta ket urayen ti manmanday-linteg iti agbalin nga aksion ti Ombudsman ken mangipasa ti pormal a sungbat iti umno a panawen tapno paneknekan iti pagbalin na nga inosente.
Kabayatanna, tinakderan met ni Estrada nga awan ti inawat na a pondo para kadagiti flood control projects.
Impasigurado na pay a nakasagana isuna a depensaan ti bagina ken dumalan iti aniaman a proseso ti linteg tapno paneknekan nga agibagbaga isuna ti kinapudno, kasta met nga agtaltalinaed a pudno ti pagrebbengan na kas public servant.
Impaganetget pay ni Estrada a linisen na iti nagan ken sibubukel ti panagtalek na nga umno a panawen ken agpannuray iti kinapudno.
