Pinasingkedan ti Bureau of Immigration a nakaruaren ditoy pagilian ni sigud a Department of Public Works and Highways (DPWH) Secretary Manuel Bonoan, a maysa kadagiti mairamraman kadagiti maanomalya a flood control projects.
Segun kenni Immigration spokesperson Dana Sandoval, nagturong idiay Estados Unidos via Taiwan ni Bonoan idi malem ti Martes.
Karaman iti sigud a sekretario ti Immigration Lookout Bulletin Order nga inruar ti Department of Justice (DOJ).
Inlawlawag ni Sandoval nga akem laeng ti ILBO nga i-monitor dagiti travel activities ken saan a kas iti hold departure order a saan nga mapalubusan a makaruar dagiti indibidiual iti pagilian.###
