Inwaragawag ni Interior Secretary Jonvic Remulla a planona ti agsubli idiay Cavite ken agkandidato para iti lokal a posision inton 2028 elections.
Daytoy ket kasaruno dagiti report nga agkandidato isuna para iti nasional a posision, ngem kenunana a nagbaliwen iti direksionna iti pulitika.
Iti interview ti Samahang Plaridel idi Biernes, imbaga ni Remulla a kayatna nga ipamaysa ti serbisio publiko iti umno a panggep ken saan laeng a personal nga ambision.
Inaklonna pay nga adda ti “perception gap” iti publiko maipapan kenkuana, ngem nakasagana nga awaten daytoy kas paset ti liderato.
Innayonna a mabalin nga agbaliw ti planona, ngem iti agdama, kayatna ti agsubli idiay Cavite.###
