BR LA UNION – Arestado ti maysa a 33-anyos a lalaki iti insayangkat nga entrapment operation dagiti otoridad idiay Barangay Casantaan, Santo Tomas La Union agarop alas 4:30 ti malem idi kanikadwa nga aldaw.
Ti operasyon ket nagtinnulongan ti nagtipon a pwersa dagiti otoridad nga indaulwan ti Sto Tomas Police Station kas lead unit.
Natiliw ti suspek nga awanan ti trabaho ken residente ti San Nicolas West, Agoo La Union gaputi maipagarop a panagikot ti paltog a maysa a caliber 39 armscore 200 revolver, maysa a pidaso ti one thousand peso bill, 6 pidaso ti one thousand peso bill boodle money, ken maysa a motorsiklo.
Nairecord ti operasyon usar ti alternative recording device.
Kalpasan a natiliw ti suspek, naiturong daytoy idiay La Union Medical Center para ti medical examination kalpasanna, naiturong idiay Sto. Tomas Police Station para ti naan-anay a dokumentasyon ken disposisyon.
Naidatag ti suspek ti kaso a panaglabsing iti RA 10591 wenno Comprehensive Firearams and Ammunition Regulation Act.
