Impeksa ti sigud a manmanday-linteg a ni Zaldy Co nga ado pay dagiti banag a lawlawagan na, kangrunaan iti nalawa a korapsion kadagiti flood control projects, maibasar iti maikatlo a video nga inruar na ita nga aldaw, Nobiyembre 16.
Inlawlawag ni Co iti nasao a video a saan nga P21 billion no di ket P56 billion iti gatad ti kickbacks a maipagarop a naiturong kenni Presidente Ferdinand Marcos Jr. ken sigud nga House Speaker Martin Romualdez. Maisupadi daytoy iti inaklon da sigud a DPWH Bulacan 1st District engineer Henry Alcantara ken dadduma pay a binirngasan na ti “DPWH boys” iti Independent Commission for Infrastructure (ICI).
Iti naangay a panagdingeg idiay Senado idi bulan ti Setyembre ket inaklon ni Hernandez a nangipatulod isuna ti agarop P1 billion a gatad ti kuarta iti staff ni Co a nakaikabil iti maleta.
Kabayatanna, impasigurado ti sigud a manmanday-linteg nga iruar na iti sibubukel a detalye kadagiti sumaruno nga aldaw ken mangnamnama a saan isuna a mapatay sakbay a mairuar amin dagiti ammona. #
