Impasan ti Philippine Competition Commission (PCC) iti Department of Justice (DOJ) iti umuna a resulta ti imbestigasion iti maipagarup a rigged bidding kadagiti flood control projects ti DPWH 1st District Engineering Office idiay Bulacan.
Segun ti komision, adda iti ebidensia a nagtulag dagiti sumagmamano a kontraktor tapno manipulaen iti bidding babaen ti panangituding ti mangabak ken maabak a bidder.
Sumagmamano nga opisial ti DPWH iti maipagarup a timmulong tapno maipatungpal iti panagkukumplot.
Ammirisen ti DOJ iti referral tapno mangikeddeng no kasapulan ti kanayonanan a case buildup wenno rumbengen a marugian iti preliminary investigation.#
