Nakailista ti umuna ken kumpirmado nga outbreak ti Marburg Virus Disease (MVD) idiay Ethiopia.
Tumultulong ti World Health Organization (WHO) iti pagilian iti panagsungbat bayat a ngumatngato iti penggad ti nasional a lebel.
Idi Nobiembre 12, 2025, impadamag ti World Health Organization (WHO) iti abiso ti Ethiopian Ministry of Health maipapan iti maipagarup a viral hemorrhagic fever idiay Jinka, South Ethiopia.
Pinasingkedan ti Ethiopian Ministry of Health idi Nobiembre 14 a dagitoy a kaso ket ti Marburg Virus Disease (MVD) kalpasan iti panagammiris ti National Reference Laboratory.
Sipud ti Nobiembre 20, nakumpira dagiti innem a kaso manipud iti 33 a panagsukimat, pakairamanan dagiti tallo a pimmusay, idinto nga agtultuloy a matamtaming dagiti tallo nga indibidual.
Adda met ti tallo a suspected case nga epidemiologically linked ngem saan pay a naalisar, nupay kasta ket pimmusay da amin.
Natakuatan ken agdama a mamonmonitor dagiti 206 nga indibidual a naaddaan ti contact, ngem saan pay a naamuan iti nagtaudan ti impeksion.#
