Mangnamnama ni Gilas Pilipinas head coach Tim Cone a makagun-od da ti sububukel a suporta manipud kadagiti Pilipino gapo iti umadanin a laban da kontra Guam a maisayangkat iti Ateneo Gym inton Disyembre 1.
Ti nasao a waragawag ket kasaruno ti panangtambak ti Gilas Pilipinas babaen ti iskor 87-46 iti umuna a laban da iti Guam idi kalman para iti panagrugi ti FIBA World Cup Asian Qualifiers.
Target ti Gilas a maulit daytoy tapno makaala ti bentahe a 2-0 iti Group A.
Segun kenni Cone, saan da nga agkumpiansa kangrunaan ta namnamaen da a mangaramid ti wagas iti Guam tapno maala ti pannangabak.
Dagos da met a mangisayangkat ti ensayo inton Dominggo sakbay iti ay-ayam ti koponan inton Lunes.#
