Dagos a naarestar iti maysa a lalaki babaen ti koordinasion ti komunidad, Office of Public Safety (OPS), ken ti City Police.
Napasamak iti panagtakawan agarup alas-11:15 ti bigat kalman, Disiembre 8, 2025.
Nabigbig iti suspek nga agtawen ti 25, maysa a construction worker, ken manipud Tondo, Manila.
Naakusaran isuna a nangala iti bag ti maysa a market vendor a naglaun ti P36,480 cash, iPhone 15, ken dadduma pay a personal nga alikamen manipud iti maysa nga stall ti Spices and Food Condiments section.
Naimatangan ti asideg a vendor iti insidente ken dagos a pinakaammuan dagiti otoridad. Dagos met a kinamat dagiti sibilian ken dagiti kameng ti OPS iti suspek a nagresulta ti pannakakemmegna ken pannakarekobre kadagiti tinakawna.
Iti agdama, naipaiman iti suspek ken dagiti narekobre nga ebidensia iti City of San Fernando Police Station para iti umno nga imbestigasion ken disposision.
Kabayatanna, tarigagay met ti Bombo Radyo La Union a maamwan ti pakabuklan nga istorya manipud kadagiti nabiktima ti suspek.#
