Agtultuloy a i-monmonitor ti Philippine Embassy idiay Washington DC iti panagbuteng ti Filipino-American community mainaig iti bill ti US Senate nga addaan panggep a waswasen iti dual citizenship.
Iti napalabas nga abiso, naipaganetget nga iti nasao a singasing ket maysa pay laeng a bill ken saan a linteg.
Agtaltalinaed a bigbigen ti Korte Suprema iti bileg ti dual citizenship, iti likudan dagiti kapada a singasing iti napalabas.
Impasigurado ti embahada nga awan ti panagbalbaliw iti agdama a polisia, ken agtalinaed a silulukat iti aplikasion para iti double citizenship a sagudayen ti Republic Act No. 9225.
Dagiti naipasngay idiay Estados Unidos nga addaan ti nagannak a Pilipino ket automatiko a dual citizens ken rumbeng a mairehistro iti pannakaiyanakda iti Embahada wenno Konsulado.
Nainget iti palagip nga iti boluntario a panang-renounce ti Philippine citizenship ket saan a rumbeng nga ibabawi iti sidong ti R.A. 9225.
Innallukoy ti Embahada nga amin a Filipino-Americans nga agtalinaed a kalmado, liklikan dagiti biddut nga impormasion, ken urayen iti opisial nga abiso para iti aniaman a napapateg a panagbalbaliw.#
