Impangato ti House of Representative iti pondo ti health sector iti bukodda a bersion ti proposed 2026 national budget a dumanon ti ₱411.2 billion, tapno mapalawa iti benepisio ti PhilHealth ken ti naan-anay a panangipatungpal ti zero-balance billing para kadagiti nakurapay a pasiente kadagiti pampubliko nga ospital.
Panggep daytoy nga addang a makissayan iti out-of-pocket expenses dagiti Pilipino ken masigurado iti nalaka ken accessible a serbision pangsalun-at.
Segun kenni House Appropriations Chairperson Rep. Mikaela Angela Suansing, ninayunan ti Kamara ti ₱90.8 billion iti health budget karaman ti ₱60 billion additional subsidy ti PhilHealth.
Nangitukon met iti Kamara ti kanayunan a ₱25 billion para iti Medical Assistance for Indigent and Financially Incapacitated Patients (MAIFIP) a dumanon ti ₱49.2 billion para iti zero-balance billing kadagiti government hospital.#
