Silulukat ni Senate Finance Committee Chairman Sen. JV Ejercito iti posibilidad nga imbitaran dagiti grupo nga agbabantay iti national budget kadagiti panagdengngeg ti bicameral conference committee wenno bicam.
Iti bicam, pagsabaten dagiti senador ken kongresista dagiti bersyon da ti singasing a 2027 national budget sakbay a naan-anay a maipasa.
Karaman kadagiti grupo a kumidkiddaw ti nauneg a panagsukimat ti singasing a badyet iti People’s Budget Coalition, a nangkuna nga nasurok ₱1 trilyon a gatad dagiti alokasyon iti rumbeng a masukimat.
Karaman ditoy iti pondo para ti imprastraktura, dagiti programa a pang-ayuda, ken unprogrammed appropriations.
Nagpanawagan iti grupo ti silulukat a panangiparang dagiti dokumento ken detalye dagiti proyekto tapnu masigurado ti panangipapan ti kwarta dagiti agbaybayad ti buwis.
Kabayatanna, nagwaragawag met ni Sen. Panfilo “Ping” Lacson nga ikkan gundaway dagiti civil society organization a bantayan dagiti panagdengngeg ti bicam tapnu makatulong iti panagsukimat dagiti probisyon ken proyekto iti singasing a badyet.
Ipanpanawagan dagiti health advocate iti kanayunan a subsidiya para iti Philippine Health Insurance Corp. (PhilHealth) tapnu masuportaran iti benepisyo dagiti miyembro ken makissayan dagiti gastos ti panagagas.
