Itantandudo ni Parañaque 2nd District Rep. Brian Yamsuan iti House Bill No. 8617 a tarigagay nga obligaen iti Philippine Health Insurance Corp. (PhilHealth) a mangipaay ti coverage para iti mental health care dagiti nanang a makapadpadas ti mental health problem kalpasan nga agpasngay.
Sakupen ti singasing iti screening, diagnosis, ken panagagas iti postpartum blues, postpartum depression ken postpartum psychosis tapnu masigurado a makaawat da ti maiyannatup a panangaywan kadagiti ina.
Segun kenni Yamsuan, napateg a masungbatan iti depresyon, anxiety, ken stress kalpasan nga aganak.
Bilbilinan met ti singasing iti Department of Health ken PhilHealth a mangisayangkat ti national campaign tapnu mapalawa iti pannakaammo mainaig iti postpartum mental health ken nu sadinno iti asitgan iti tulong.
Tarigagay daitoy a makissayan iti lapped ti panagagas, karaman iti stigma ken gastos iti medikal dagiti ina ken pamilya da.
