BR LA UNION – Target ti Department of Justice (DOJ) nga isumite idiay Ombudsman ti kaso a plunder seknan dagiti maipagarop nga iregularidad kadagiti proyekto ti flood control idiay Bulacan.
Kabilang dagiti maidatagan ti kaso ket ni Maria Catalina Cabral, ti naipadamag a natay a sigud nga Undersecretary ti Department of Public Works and Highways (DPWH), karaman ti dadduma pay nga opisyal ti DPWH ken dagiti indibidwal a nangisingasing kadagiti proyekto.
Segun kenni Prosecutor General Richard Fadullon, sukimaten ti Ombudsman iti kaso.
Nupay natayen ni Cabral, ituloy latta ti DOJ dagiti kaso a civil forfeiture tapno protektaran dagiti sanikua na, ken mangisay-sayangkat ti imbestigasyon iti Anti-Money Laundering Council (AMLC).
Saan laeng a dagiti opisyal ti DPWH manipud Bulacan district engineering office ti kabilang iti imbestigasyon ngem uray iti amin a maipagarop a nagnumar iti proyekto.
Nasarakan a natay ni Cabral asideg idiay Kennon Road, ken im-imbestigaran ti pulisya nu ti pannakatay na ket konektado iti iskandalo ti korapsyon iti flood control.
