Papaayaban ti Kamara ni sigud a DPWH Secretary Manuel Bonoan ken dagiti 20 nga encoders ti ahensiya a nakadua ti trabaho ni sigud a DPWH Undersecretary Maria Catalina Cabral tapnu mairaman iti maisaysayangkat nga imbestigasion mainaig iti maanomalya a flood control projects.
Kenuna ni Senior Deputy Minority Leader ken Caloocan 2nd District Rep. Edgar Erice a nu umarangkadan iti imbestigasyon, kasapulan a maipangruna isuda Bonoan ken dagiti 20 encoders a timmulong kenni Cabral iti budget insertions kadagiti proyekto ti ahensia iti sidong ti 2024 ken 2025 national budget.
Inpaganetget ni Erice a napateg a maisango iti panagdengngeg ni Bonoan agsipudta isuna iti lider ti DPWH ken imposible nga awan ti ammo na iti korapsyon ti ahensiya.
Dagiti 20 nga encoders met ti mangpaneknek nu kasatnu iti kalawa iti korapsion kadagiti data nga inaramid da para iti budget insertions ken nu siasino dagiti proponents a pakairamanan dagiti senador, kongresista, executive secretaries, undersecretaries, ken dagiti pribado nga indibidwal.
Gapu ta awan ditoy pagilian ni Bonoan, nasken laeng a pagawiden isuna ti gobierno.
Immunan nga inbutaktak ni sigud met a DPWH Undersecretary Roberto Bernardo nga iti panagpondo kadagiti infrastructure projects ket inurnos ni Cabral sakbay nga inaprobaran ni Bonoan.
