Inwaragawag ti Philippine National Police (PNP) idi Huwebes, Disyembre 25, a nagbalin a naragsak ken nakapia iti panagselebrar ti Christmas Eve kadagiti nadumaduma a pagtaengan ken simbaan iti pagilian.
Segun kenni PNP acting chief Police Lt. Gen. Jose Melencio Nartatez Jr., awan ti nailista nga insidente mainaig kadagiti naisayangkat a misa gapu iti disiplina ti publiko ken presensya ti kapulisan.
Maipalagip a nai-deploy dagiti personnel kadagiti simbaan, transportation terminal, ken kadagiti kangrunaan a lugar.
Kenuna ni Nartatez nga agtultuloy iti panagbantay da a nangrugi idi Disyembre 16, para iti panangrugi ti Misa de Gallo.
Agtaltalinaed met a heightened police visibility iti hanay ti pulisya agingga iti panagpasangbay ti Baro a tawen.
Dinayaw na met iti kooperasyon dagiti simbaan, lokal a gobierno, volunteers, ken dagiti residente iti panagtalinaed ti kinakapia, ken inallukoy iti amin a rambakan iti holiday season a naragsak ngem iti natalged a wagas.
