BR LA UNION – Pimmusayen ti actress a ni Melanie Watson Bernhardt iti edad a 57.
Kinumpirma ti kabsat na a ni Robert ti ipupusay ti actress iti balay da idiay Colorado Springs.
Sumagmamano nga aldaw a nagtalinaed iti ospital gaputi bleeding ken napaspas a kimmapsot ti bagi na.
Naipasngay ti aktres nga addaan ti kondisyon a maaw-awagan ti osteogenesis imperfecta, maysa a klase ti sakit a nalaka a matukkol ti tulang.
Limmatak daytoy iti TV hit show a “Diff’rent Strokes” ken naitampok iti uppat manipud ti pakabuklan nga 189 episodes.
Nagleppas ti acting career na idi naggibus metten ti nasao a TV show.
Kasar da kenni Roger Bernhardt manipud 1994 agingga 1996.
Nagbalin a paset iti pannakaitandudo ti Charity Train Rite a tumultulong kadagiti aso, ken agtrabaho kas service animals.
