Pinaregta ti Department of Health (DOH) iti publiko ita a baro tawen a regular nga ag-meditate tapno maaddaan iti nakalkalma ken stress-free a 2026.
Inrekomendar ti ahensya dagiti simple nga addang: mangbirok ti natalna a lugar, agtugaw ken agbalin a kumportable, ipamaysa ti panaganges ti dua agingga lima a minutos, ken leppasen babaen ti nauneg a panaganges tapno marikna iti kalalaingan a kinakapia.
Segun iti 2025 Mind Health Report, pito kadagiti sangapulo a Pilipino ket makapadpadas ti anxiety, stress, wenno depression, nangruna kadagiti agtawen ti 18–34. Kangrunaan met a makagapo a natakuatan ti panagadal ket ti kasasaad-pinansyal ken kaawan ti sigurado a trabaho.
Kinuna ti World Health Organization (WHO) a maysa kadagiti pito nga agtutubo nga agtawen 10–19 ket addaan ti mental disorder, ken iti panagpakamatay ti maikatlo a kangrunaan a pannakatay dagiti agtawen 15–29.
Nagballaag ti DOH nga ipateg ti mental a salun-at ken rugian daytan ita a tawen babaen ti simple a meditasyon.
