BR LA UNION – Nagpanawagan ni Presidente Ferdinand Marcos Jr. kadagiti Pilipino a papigsaen ti panagkaykaysa ken panagtalek bayat iti panangobserbar ti Semana Santa wenno Holy Week.
Iti mensahe na, inallokoy ti Presidente iti publiko a mangilatang ti oras para iti panaginana ken panag-minna-minna, ken patibkeren manen ti galad a managtulong ken panagserbi iti pada a tao.
Impaganetget na iti sakripisyo ni Jesus Christ, a segun kenkuana ket palagip ti pudno a kinatan-ok, a makita iti panag-sakripisyo, saan ketdi a ti bileg.
Inallokoy ni Presidente Marcos ti tunggal Pilipino nga agtalinaed a natibker iti pammati, agtitinnulong iti tengnga dagiti pannubok ken agkaykaysa para iti nadur-dur-as a “Bagong Pilipinas.”
Nagleppas ti mensahe ti Presidente iti panagkablaaw na iti napnuan kaipapanan a Semana Santa para iti amin.
