Impaganetget ni Finance Committe Chairman ken Senador Sherwin Gatchalian a saan a natalantan iti impeachment bid kontra kenni Bise Presidente Sara Duterte iti naisayangkat a deliberasion ti 2026 national budget.
Segun ti Senador, nakapamaysa iti diskusion kadagiti budgetary requirements ken epekto daytoy kadagiti umili ken saan nga iti politikal nga aspeto.
Immunan nga inakusaran ni Senadora Imee Marcos a mabukbukel iti budget tapno rugyan iti impeachment ni Duterte, partikular iti dakkel a tapyas kadagiti foreign-assisted projects ti DOTr ken DPWH, bayat a naipangato met iti pondo ti farm-to-market roads ken financial assistance programs.
Innayon pay ni Gatchalian a mabalin nga addan ti nagduduma a kapanunutan iti 2026 budget, ngem tinakderan na a corruption-free daytoy.
Pinermaan ni Presidente Ferdinand Marcos Jr. iti ₱6.793 trillion 2026 General Appropriations Act ken nakissayan iti ₱92.5 billion unprogrammed funds ti kababaan a lebel sipud idi 2019.###
