Manamnama a masungbatanen iti kinakurang ti umiso a panagagas ken diagnosis iti lupus kalpasan a makapasa iti maudi a panagbasa idiay Senado ti Senate Bill No. 1513.
Ti singasing a gakat ni Senador Mark Villar ket tarigagay a maidatag ti national health program a manglaban iti systemic lupus erythematosus, karamanen ti umiso a panagpondo para iti pannakaipatungpal na.
Segun kenni Villar, dakkel a tulong daitoy para kadagiti pasyente nga addaan iti lupus a saanen a kabaelan pay dagiti gastosen para ti pannakaipasidong ti diagnostic test agsipud ta iti PhilHealth ton iti makakaammo para ti early detection ken screening programs.
Agtalek met ni Senate Majority Leader Migz Zubiri a naan-anay a mapermaan kas linteg iti gakat – banag a mangipaay ti namnama para kadagiti addaan iti lupus kasta met a makalag-an para kadagiti pamilya da.
Maysa pay a panggep iti gakat ket tapno maliklikan ti misdiagnosis ken underdiagnosis nu kasta ket saanen a mapagasto pay.
Nabilin iti Department of Health (DOH) para iti pannakaipatungpal ti National Program for Lupus Prevention and Treatment a sumakop ti information and awareness campaigns, screening, referral services para kadagiti umiso a diagnosis, research and development, ken pannakaidatag ti support networks.
