BR LA UNION – Pinagkedkedan ti Sandiganbayan ita nga aldaw ti Huwebes, Pebrero 5, ti kadawatan ni sigud a Senador Ramon “Bong” Revilla Jr. a maiyakar iti pagbaludan idiay Quezon City agturong iti Philippine National Police (PNP) Custodial Center idiay Camp Crame.
Iti nagbalin a desisyon ti Third Division ti anti-graft court, naibasura iti mosyon ni Revilla nga i-quash ti impormasyon ken isubli ti kaso idiay Office of the Ombudsman para iti reinvestigation.
Gaputi panangibasura ti petisyon, agtalinaed a mabalud ni Revilla idiay New Quezon City Jail Male Dormitory, a nakaibaludan met laeng dagiti co-accused.
Segun pay iti korte, napaay ti sigud a senador a makaipakita ti rason tapno maika-lintegan ti kadawatann a maiyakar ti kustodiya, partikular dagiti alegasyon na nga agpeligro ti biag na wenno mapunpuntirya isuna iti uneg ti pagbaludan.
Maipalagip a nagramot ti kaso iti reklamo ti naikkat a Public Works engineer a ni Henry Alcantara, a nang-akusar a maipagarop nga immawat ni Revilla ti kickbacks manipud iti maysa a P92.8-million “ghost” flood control project idiay Pandi, Bulacan.
Siguden a nabalud ni Revilla ti uppat a tawen kalpasan a nairaman iti P10-billion pork barrel scam, ngem idi agangay ket napa-awan basol wenno nawaswas ti kaso.
