Suspek ti Russia iti pammaltog iti opisyal da a ni Lieutenant General Vladimir Alexeyev iti Ukrainian-born Russian citizen a ni Lyubomir Korba.
Segun ti Investigations Committee ti Russia, simmangpet ni Korba idi bulan ti Disyembre gapo iti misyon na a mangaramid iti terrorist attack manipud Ukrainian Intelligence Service.
Maipalagip a napalpaltogan ti pagtaengan ti 64-anyos a ni Lieutenant General Alexeyev ken nagsagaba daitoy iti nagduduma a tama ti bagi na a dagos met a naiturong ti ospital ngem idi agangay ket natay metlaeng.
Ni Alexeyev ti maikadua a kangatuan nga opisyal ti Russian Military Intelligence a Glavnoe Razvedyvatel’noe Upravlenie wenno Main Intelligence Directorate.
