Nangipaulog ti Department of Labor and Employment (DOLE) ti pagannurotan iti umno a pasueldo inton Pebrero 17, 2026 a maysa nga special non-working day gapu iti panagrambak ti Chinese New Year.
Iti Labor Advisory a pinirmaan ni DOLE Secretary Bienvenido Laguesma, mabayadan ti kanayunan a 30% iti basic pay ti umuna a walo nga oras dagiti sumrek nga empleyado ken 30% tunggal oras no nag-overtime.
Dagiti sumrek nga empleyado ngem nairana a rest day-da ket mabayadan ti kanayunan a 50% iti umuna a walo nga oras ken 30% met tunggal oras no limmabes.
Maipatungpal ti “no-work-no-pay” policy kadagiti saan a sumrek nga empleyado.###
