BR LA UNION – Sinungbatan ti Malacañang iti panagkiddaw ti dispensar ni Vice President Sara Duterte iti publiko seknan iti maipagarop a panangtulong na kenni Presidente Ferdinand Marcos Jr. tapno maipatugaw iti puwesto ken ti agtultuloy a problema iti panaglayos a konektado kunana iti korapsyon ti gobyerno.
Segun kenni Palace Press Officer Claire Castro, adu pay nga isyu ti rumbeng nga ipalawag ken kiddawan ti dispensar ti Bise Presidente kadagiti umili.
Kinuna ni Castro, rumbeng nga ipangruna ni VP Duterte ti panagkiddaw ti dispensar kadagiti biktima ti extrajudicial killings ken ti nagbalin a waragawag na, nga adda am-ammo na nga assassin ken binilinna a maipagarop a mangpatay kada Presidente Marcos, First Lady Liza Araneta-Marcos, ken sigud nga House Speaker Martin Romualdez ingkaso nga adda mapasamak kenkuana.
