Kumpleton dagiti players ni coach Tim Cone iti Gilas Pilipinas a makipaset iti maikadua a window ti 2027 FIBA World Cup Asian Qualifiers.
Simmampeten dagiti Filipino imports manipud Japan B. League ken Korean Basketball League iti panangidaulo ni Quentin Millora-Brown ti Chiba Jets tapno kumpletoen iti Gilas Pilipinas pool a pagpilian ni Cone.
Makibalubal iti Gilas Pilipinas kontra iti New Zealand inton bigat, Pebrero 26 ken Australia inton Marso 1.
Katabla ti Gilas ita iti Group A iti Australia ken iggem iti agpada a 2-0 a kartada kalpasan nga abakin iti Guam iti umuna a window.
