Nangipeksa ti panagdanag iti Department of Agriculture (DA) iti posible nga epekto ti kumarkaro a rinnupak iti nagbaetan ti Estados Unidos ken Iran iti sektor ti agrikultura ti pagilian.
Segun kenni Agriculture Secretary Francisco Tiu Laurel Jr., ti tension ket mabalin a pakaigapuan ti napaut a panagngato ti presio ti lana, a direkta a makaapektar iti balor dagiti petroleum-based fertilizers, freight costs, ken gasolina para kadagiti makinaria iti talon ken bilog a mausar iti panagkalap.
Dinakamatna ti Strait of Hormuz a paglasatan iti dakkel a paset ti supply ti langis iti lubong. Aniaman a pannakasinga ditoy kunana ket mabalin a pangatuenna ti sangalubongan a presio ti krudo ken pakaigapuan ti volatility iti commodity supply chains.
Innayon ti sekretario, kas import-dependent iti sistema ti agrikultura ti Pilipinas, posible a ngumato ti gastos iti abono, wheat, ken taraon dagiti dingwen, nga inton agangay ket apektaranna iti presio ti tinapay, manok, ken karne ti baboy.
Agtultuloy iti panagbantay ti ahensia tapno masalakniban iti food security ken mabalanse iti pagimbagan dagiti producers ken consumers.###
