Kagiddan ti agtultuloy a panagrambak ti National Women’s Month ita a bulan ti Marso, balligi a naisayangkat iti Kick Off Ceremony ditoy La Union.
Daytoy ket pinasetan ti naduma-duma a government agencies ti probinsia.
Tampok iti nasao nga aktibidad dagiti nakakawes ti modern day heroes a mangirepresentar ti kinalaing, kinatibker ken kinapateg dagiti babbai iti pagilian.
Panggep daytoy nga aktibidad nga ikkan ti gundaway a maipakita iti paglaingan dagiti babbai iti naduma-duma a sektor ken tay-ak.
Nangted met linglingay dagiti nakakawes iti modern day hero kadagiti tattao nga nagbuya iti parada.
Nangrugi iti parada dagiti ahensia idiay Poro-Junction, San Fernando City, La Union, ken nagleppas daytoy idiay Monumento sakbay a nagsubli kadagiti opisinada.
Segun kadagiti organizers, agtultuloy daytoy a ganuat tapno mailungalong iti pagsayaatan dagiti babbai.
Kabayatanna, impasigurado met ti naduma-duma a ahensia a nakipaset nga agbalin daytoy a balakad ken gundaway tapno maipeksa iti pagsayaatan iti tunggal babbai.
