Nakipamaysa ni Bise Presidente Sara Duterte iti selebrasyon ita a bulan ti National Women’s Month.
Binigbig na iti kinapigsa dagiti babbai a naballigi a naanduran ti tunggal problema ken naglabas a krisis.
Kinunana a dagiti babbai ti simbolo ti kinatibker a pader ti pagilian ken kas silaw ti pagtaengan a kabaelan metlaeng a bumangon kalpasan ti panagduprak dagiti didigra.
Nagpanawagan ken inallukoy pay ti Bise Presidente iti publiko a makipamaysa iti natibker a suporta para kadagiti babbai nga isu ket karaman iti infromal sector ken dadduma pay a sektor ti komunidad.
Imbatad na nga agkasapulan dagiti babbai ti proteksyon para kadagiti biang ti informal sector, climate-resilient support met para kadagiti lokal a mannalon, ken pananglukat kadagiti financing access kadagiti negosyante a babbai.
Innayon na a ti suporta ket saan laeng a panangipakita ti kinasayaat nu di ket maysa pay nga estratehiya para ti panangitandudo ti inclusivity growth ditoy uneg ti pagilian.
Inyunay-unay na iti publiko nga itandudo ti masakbayan a tunggal Pilipina ket maikkan ti gundaway nga agbalin a lider ken addaan ti umdas nga oportunidad a saan laeng a puro responsibilidad.
