Manipud idi nagpulitika ni Bise Presidente Sara Duterte a kas Bise Mayor ti Davao City idi 2007, dakkelen iti nagbaliw iti idineklara na a net worth a naibasar iti Statement of Assets, Liabilities and Net Worth (SALN) na.
Idi tawen 2007, indeklara ni Sara Duterte ti net worth a P7,250,497. Kalpasan ti maysa a tawen ket nagdoble daitoy ken dimmanon ti P18,493,616.65.
Apagapaman manen a bimmaba ti baknang na iti P18,281,264.65 idi tawen 2009 a nakarkaro pay a bimmaba iti P14,271,148.45 manipud tawen 2010 agingga 2011.
Idi nadanon iti 2012, nu sadinno ket nagserbi isuna kas Mayor ti Davao City, ngimmato manen iti indeklara na a networth iti P22,116,101.93 ken nagtultuloyen a dimmakel kadagiti simmarsaruno a tawen.
Tawen 2022 a nagbalin isuna kas Bise Presidente ket dimmanon ti pakabuklan a P71,508,841 iti net worth na. Ngimmato pay daitoy iti P77,508,841 idi 2023 ken P88,512,370.22 idi tawen 2024.
Nanayunan manen daitoy idi 2025 iti P10,143,760.98, isu a dimmanon iti P98,656,131.20.
Kas maibasar kadagitoy a kantidad ket agdagup ti P91,405,634.20 iti deklarado a net worth ni Duterte manipud 2007 agingga 2025.
