Nangiwaragawag ti Armed Forces of the Philippines (AFP) iti panagpapigsa kadagiti addang iti seguridad kasaruno dagiti damag maipapan ti foreign-directed espionage ditoy pagilian.
Segun kenni AFP spokesperson Colonel Francel Margareth Padilla, agtultuloy iti panagrang-ay ti legal ken institutional frameworks tapno masungbatan dagiti pabaliw-baliw a pangta, ngem saan a mabalin nga ibutaktak dagiti dadduma a detalye maipapan ti diskusyon ti national security.
Sakbayna ket pinasingkedan ti National Security Council (NSC) nga adda dagiti Pilipino a naarestar gapo iti pannakairaman ti espionage a konektado ti China.
Impaganetget ti AFP iti kinapateg ti panagbantay ken koordinasyon dagiti ahensya kontra kadagiti kabaroan a pangta a kas ti cyber ken technological espionage.
