Pinasingkedan ni Ilocos Norte Electric Cooperative General Manager Cipriano “Perry” Martinez a ngumato ti P1 ti kada kilowatt hour ti singir ti kuryente idiay probinsya ti Ilocos Norte gapo ti epekto ti gyera idiay Middle East.
Inlawlawag ni Martinez a saan da a pagayatan ti panagngato ti singir ti kuryente ti probinsya, kasaruno ti panagkiddaw na iti dispensa kadagiti member-consumers.
Gapo kadaitoy, nagpanawagan ni Martinez kadagiti amin nga opisina, ahensya, ken uray kadagiti residential nga agtipid ti kuryente.
Innayon na pay a mangipaulog isuna ti memorandum kadagiti amin nga opisina ti kooperatiba para ti panagtipid ti kuryente, kasta met iti koordinasyon kadagiti amin a lokal a gobierno ti Ilocos Norte para ti pannakaipaay ti epektibo nga addang.
