Ingetan ti Philippine National Police (PNP) iti intelligence measures kalpasan ti pannakatiliw dagiti tallo nga empleado ti gobierno a maipagarup a mangipapaay ti impormasion iti China.
Segun kenni PNP chief Gen. Jose Melencio Nartatez Jr, nga adda dagiti proactive measures kas iti panangsigurado a masalakniban ti national security.
Ibilangna a wake-up call iti panagpudno dagiti natiliw a suspek isu nga ad-addan ti panagannadda.
Adda met dagiti umno a pamay-an para iti confidential reporting tapno masigurado a saan a maiwaras dagiti sensitibo nga impormasion.
Siguradona nga agtalinaed a pudno dagiti polis iti pagilian ken kadagiti umili.###
