Inaresto ti otoridad ti Russia iti maysa a Japanese journalist gapu iti mapagduduaan a daitoy ket maysa nga espiya a mangkolkolekta dagiti classified nga impormasyon mainaig ti depensa ti Moscow kontra iti Tokyo.
Nabigbig daitoy a ni Yuki Imai ti Hokkaido Shimbun newspaper. Naarestar ni Imai idiay Sakhalin region, maysa nga aldaw sakbay kuma nga agawid isuna.
Segun iti Russian authorities, maipagarop a bilin ti national intelligence service ti Japan kenni Imai a mangala ti impormasyon maipapan kadagiti tao a paset ti special military operations idiay Kuril Islands.
Naiturong isuna sadiay Moscow babaen ti pammilin ti Russian court, a maipasidong daitoy iti pre-trial detention.
Kabayatanna, agdama met a nakabantay iti Japan para kadagiti updates maipapan iti pannakaaresto ni Imai nupay napaay da a ma-contact isuna.
Daitoy a pasamak key mainaig iti mabukbukel a tensyon iti nagbaetan ti Japan ken Russia kasaruno ti panagbisita ni Russian President Vladimir Putin idi Agosto iti pagap-apaan a teritoryo ti Kuril Islands ti dua a pagilian.
Makita iti Kuril Islands iti nagbaetan ti isla ti Hokkaido ken Kamchatka Peninsula ti Russia nu sadinno iggem ti Russia iti nasao a kapuluan bayat nga uppat kadaitoy ket ag-agumen ti Japan.
