Inwaragawag ti Alliance of Concerned Transport Organization (ACTO) ti nationwide transport holiday ita nga aldaw ti Lunes gapo iti manamnama manen nga bigtime oil price spike.
Saan paylaeng a nagpasada dagiti miembro da a kas protesta iti agtultuloy a pannakalugi dagiti jeepney drivers ken operators.
Segun kenni ACTO president Libay de Luna, agrigrigat itan dagiti tsuper a makabirbiruk laeng ti nasurok-kumurang P150 iti maysa aldaw gapo iti kangato ti presyo ti diesel.
Inlawlawag na nga awan met iti manggulo ken tarigagay da laeng nga ipadanon iti gobierno ti agdama a kasasaad da.
Nagpanawagan pay ti grupo ti tulong a kas ti service contracting ken moratorium dagiti babayadan kadagiti transport cooperative.
Nakipamaysa met ti grupo idiay Iloilo City bayat nga immun-unan a nangiyuswat iti transport strike ti PISTON idi Marso 19 ken 20.
