Inlawlawag ti Department of Trade and Industry (DTI) nga awan ti maipatpatungpal a price freeze iti laksid ti deklarasion ti state of national emergency iti pagilian.
Iti maysa nga statement, inwaragawag ti ahensia nga agtaltalinaed nga umdas iti supply ken presyo dagiti kangrunaan a magagatang, kasaruno iti panangipaulog ti Executive Order (EO) No. 110 nga addaan panggep a maprotektaran iti lokal a supply ti langis iti tengnga ti tension idiay Middle East.
Ti nasao a pammilin, na-activate met ti Unified Package for Livelihoods, Industry, Food and Transport (UPLIFT) Program, a mangipaay ti targeted subsidies para kadagiti sektor ti transportasion ken agrikultura.
Segun ti DTI, sinigud ti gobierno iti inflationary pressures a mabalin nga agbalin a rason para iti panangipatungpal ti price freeze babaen iti panangpatalinaed nga stable iti balor dagiti maipatpatulod nga produkto.
Malaksid ditoy, nakitaripnong iti ahensia kadagiti pribado a sektor kadua dagiti 21 a kangrunaan a manufacturers ti essential goods karaman dagiti canned sardines, tinapay, bottled water, instant noodles ken kape, a nangikari a panagtalinaaden iti agdama a presyo para iti sumaruno a 30 nga aldaw aginggana Abril 16 wenno 60 nga aldaw wenno aginggana Mayo 16.
Impasigurado met ti DTI nga agtaltalinaed nga umdas iti lebel ti imbentaryo para kadagiti kangrunaan a produkto, maibasar ti monitoring iti presyo ken supply, uray awan ti panagkurang a manggarantiya iti artificial price hike.
Agtultuloy met iti panagsukimat ti ahensia iti panangsurot iti agraraira a Suggested Retail Price (SRP). Sinoman a retailer a mapaneknekan a karaman iti profiteering wenno napalaos a panagngato ti presyo ti nasurok 10% nga awanan ti justification wenno hoarding ket sumango iti maiyannatup a dusa.###
