BR LA UNION – Inpadamag ti Philippine Coast Guard (PCG) a nagresponde dagitoy iti sumagmamano a kaso ti gestay pannakalmes idi Biyernes Santo, Abril 3.
Kabilang ditoy iti maysa a 22-anyos a lalaki a gestay nalmes iti kabaybayan a sakop ti Barangay Maura idiay Aparri, Cagayan; maysa a 38-anyos a lalaki idiay Barangay Centro 1, Claveria, Cagayan; ken maysa a 36-anyos a lalaki a ginandat na ti aglangoy bayat nga adda iti impluwensiya ti arak iti kabaybayan idiay Southern Philippine Agri-Business and Marine and Aquatic School of Technology wenno SPAMAST idiay Davao Occidental.
Nangipaay a dagus ti tulong ti PCG iti maysa a turista a nakapadas ti medical emergency bayat a nakalugan ti motor banca agturong idiay Sepok Island idiay Tingloy, Batangas.
Kabayatanna, minonitor ti PCG iti pakabuklan a 60,492 outbound passengers wenno paalis, ken 49,574 inbound passengers wenno agsangpet iti amin a pantalan iti intero a pagilian, manipud alas-6:00 ti agsapa agingga alas-12:00 ti tengngat aldaw idi Black Saturday.
Innayon pay ti ahensya, umabot iti 574 a lugan pangbaybay ken 1,828 motor banca iti na-inspeksyon iti sidong ti 16 a PCG Districts.
Agtultuloy a naka-heightened alert iti amin a distrito, istasyon, ken sub-stations ti PCG sipud pay idi Marso 28 agingga Abril 5, 2026 tapno masiguro ti kinatalged ken naannayas a panagsangpet dagiti pasahero kadagiti pantalan ita a Semana Santa.
