BR LA UNION – Kinumpirma ni Department of Interior and Local Government (DILG) Secretary Jonvic Remulla idi kalman, Lunes nga amin a fire safety inspectors ti Bureau of Fire Protection (BFP) idiay Metro Manila ket na-relieve iti puwesto kas paset iti nalawa a kampanya kontra korapsyon.
Iti press con, imbaga ti DILG chief a nairanta ti addang tapno maparmek dagiti kunana nga “organized crime group” iti uneg ti ahensya.
Segun kenni Remulla, nangidatag ti reklamo kontr iti sumagmamano a nangangato nga opisyal, kabilang iti “chief of all fire chiefs” ken 45 pay a sabsabali seknan iti maipagarop nga irregularidad iti permits, inspeksyon, ken procurement.
Dinakamat pay ni Remulla a nakaawat ti saan a bumaba ti 10 a reklamo sipud na-relieve iti BFP chief, a mangipak-pakita kunana nga adda latta ti sumagmamano nga inspector ti agtultuloy iti iligal nga aramid nga uray adfdan iti inisyal nga addang nga inaramid da.
Nagpanawagan pay ni Remulla kadagiti kameng ti BFP nga agkaykaysa para iti reporma, takderan iti integridad, maaddaan ti disiplina ken adda sungsungbatan dagitoy iti serbisyo publiko.
Binigbig na iti epekto ti reporma kadagiti kameng ken iti pamilya dagitoy, ngem impaganetget na a narigat man dagiti addang ngem kasapolan a maisubli iti talek ti publiko.
