CITY OF SAN FERNANDO, LA UNION – Marikna dagiti aglaklako ti motorcycle parts ditoy Ciudad ti San Fernando iti panagkapsut ti panaglakoda, kasaruno dagiti napalabas a big-time oil price hikes a pinarnuay ti tension idiay Middle East.
Segun kenni Jogie Delos Santos, aglaklako ti motor parts, bimmaba ti panaglakuanda gaputa ado dagiti motorista ken tricycle drivers a nagsardeng nga agpasada wenno kissayan ti panagusar ti luganda.
Iti laksid ti agtultuloy nga epekto ti krisis, awan ti planoda nga ingato iti presio tapno saan a madagsenan dagiti drivers iti inaldaw a panagbiahe.
Agtaltalinaed a dagiti lana wenno lubricant iti kaadduan a mailaklako gaputa kasapulan daytoy para iti regular a pannakamantenir dagiti lugan.
Impanawagan ni Jojie a sapay kuma ta mapasardeng ti gobierno iti agtultuloy a panagngato ti presyo ti petrolyo ken dadduma pay a gagatangen tapno saan a marigatan dagiti drivers, negosyante, ken amin a tattao. (Report by Bombo Alphea)
