Ad-adalenen ti Senado ti panangipaay ti “extraordinary powers” iti Department of Energy (DOE) tapno mapagsungbat a dagos dagiti kumpanya ti langis nga abusado ti presyo iti produkto a petrolyo kadagiti panawen ti krisis.
Dinakamat ni Energy Committee Chairman Pia Cayetano a laksid ti kaadda paylaeng ti Pilipinas iti umdas a supply ti langis ket adda a dagosen dagiti gasolinaan nga inranta da ti agserra ken inwaragawag nga awanan dan kadagiti stocks kasaruno ti panangipaulog ti nangato la unay a presyo.
Kitkitaen ni Cayetano ti posibilidad iti kriminal a kaso kadagitoy a managabuso a negosyante, ngem impaganetget na iti pagkasapulan ti linteg, nangruna ket mabalin a daan la unayen ti agraraira ken kasapulanen ti Senado iti panangribisar.
