BR LA UNION – Arestado idiay Prague, Czech Republic iti pugante a ni sigud nga Ako Bicol Representative Zaldy Co kalpasan a simrek iti nasao a pagilian, nga awan ti iggem na nga umiso a dokumento, segun kenni President Ferdinand Marcos Jr. ita nga aldaw ti Huwebes, Abril 16, 2026.
Ti agdama, adda iti kustodiya ti Czech authorities ni Co.
Dagus a naki-koordinar ti gobyerno ti Pilipinas tapno maisayangkat dagiti legal nga addang para iti dagus a pannakaisubli na ditoy pagilian.
”We are in close coordination with the Czech government to ensure that all legal processes are followed and to arrange for his return to the Philippines at the soonest possible time,” saad ng Pangulo sa kanyang post sa social media.
Ni Co ket sumangsango iti sumagmamano a kaso kriminal seknan iti maipagarop a panagkusit iti national budget, partikular kadagiti proyekto pang-imprastraktura.
Maikon-konektar pay isuna iti maysa a kumpanya a nakagun-od ti bilyon a pisos a kontrata iti gobyerno, kabilang ti maysa a flood control project nga agbalor ti P289 million idiay Naujan, Oriental Mindoro a maibagbaga a substandard.
Maipalagip a naglemmeng ni Co manipud idi Hulyo 2025 kalpasan a maibutaktak dagiti maipagarop nga anomalya iti panaggastos ti pondo ti gobyerno, nga idi agangay ket naglosolos iti puwesto na idiay Kongreso kalpasan a saan a nagtulnog iti panawagan nga agsubli ditoy pagilian.
Kabayatanna, pinaglibakan ni Co dagiti akusasyon kenkuana.
Kinuna na nga adda pangta iti biag na ken maipagarop nga adda maris pulitika na dagiti kaso a naidatag kenkuana.
Iti agdama, awan pay iti inted nga eksakto a petsa para iti extradition ni Co bayat nga agtultuloy dagiti legal process tapno mapaawid ditoy pagilian ni Co manipud Czech Republic.
