Nagpanawagan ti Malacañang kadagiti ahensya ti gobierno ken local government units a papartaken ti proseso ti panag-ayuda kadagiti food truckers tapno makabenepisyar da a dagos ti nababa a toll ken port fee nga imbilin ni Presidente Ferdinand Marcos Jr.
Kinuna ni Executive Secretary Ralph Recto a kasapulan a mapapartak ti akreditasyon sadiay Department of Agriculture Food Lane Program agsipud da nasurok 1k paylaeng ti dagiti rehistrado a truck, adayo iti target a nasurok 3k a maparparegta nga agpa-renew.
Impasiguro ti gobierno a makasalimetmet ti sektor ti transportasyon, manipud ₱150-M agingga ₱165-M milyon a binulan apaman mapagnumaran da ti toll-free privilege.
Kiniddaw pay ni Recto a maikkat dagiti checkpoint ti pulis ken lokal a gobierno, nangruna iti panawen ti panag-aapit, tapno mapapartak ti panagbiahe da ken saan a madadael dagiti produkto.
Sakbayna ket naipababan ti ₱100 ti terminal fee dagiti Ro-Ro manipud ti sigud nga agarop ₱500.
Mapatta-patta met a ₱5 agingga ₱7 ti kada kilo iti mainay-nayon ti presyo ti taraon gapo iti gastos ti panagbiahe, a panggep a kissayan ti administrasyon tapno mapalag-an ti gastos dagiti consumers.
