BR LA UNION – Nagsaritan ni Leyte Representative ken sigud nga House Speaker Martin Romualdez seknan iti pannakairaman na kadagiti anomalya ti flood control projects ken kurapsyon.
Kinuna na a nakaru unayen dagiti pammabalaw kenkuana isunga pinilina ti agsao.
Impaganetget na a nakasagana a mangsango iti amin ken anyaman a kaso a maiyak-akusar kenkuana.
Kinuna na pay nga adda dagiti grupo a mangdad-dadael iti imahe na, ket saanna itan nga ipalubos nga agbalin laengen nga ‘escape goat’ para iti interest ti dadduma.
Maipalagip a saan a pinalubosan ti Office of the Ombudsman ni Romualdez nga agbiyahe idiay Singapore para iti medical checkups.
Kiniddaw pay ni Ombudsman Jesus Remulla iti Anti-Money Laundering Council nga ipa-freeze dagiti sanikua ni Romualdez gapu iti pannakairaman na kadagiti isyu ti kurapsyon ditoy pagilian.
