Dumanon ti 11 a pulis dagiti naikkat ti serbisyo gapo iti koneksyon da ti operasyon ti ilegal a jueteng idiay probinsya ti Pangasinan.
Karaman kadagiti naikkat ket ti Director ti Pangasinan Police Provincial Office ken dadduma pay nga hepe manipud nagduduma nga ili nu sadino ket napaliiw ti panagsaknap ti jueteng.
Naikkat iti serbisyo puesto da Police Colonel Arbel Mercullo; Police Lieutenant Colonel Jessie Balinag; Police Lieutenant Colonel Quintin Casabar; PLtCol. Zaldy Fuentes; Police Lieutenant Colonel Arvin Jacob; Police Lieutenant Colonel Norman Ranon; Police Major Noel Cabacungan; Police Major Ramsey Ganaban; Police Major Peter Paul Sison; Police Captain Benedict Espinoza; ken Police Captain Christopher Nacional.
Segun kenni PNP Public Information Office Chief Brigadier General Randulf Tuaño, epektibo ti pannakaikkat kadakuada idi pay Abril 27 ken maiyakar paylaeng dagitoy sadiay Personnel Holding and Accounting Unit (PHAU), idiay Camp Crame.
Maipalagip nga imbilin ni PNP Chief General Jose Melencio Nartatez Jr. ti strikto a pannusa kontra kadagiti pulis a karaman ti aniaman nga ilegal nga aktibidad.
