BR LA UNION – Indeklara ti Russian army iti “unilateral ceasefire” idiay Ukraine.
Segun iti Russian Defense Ministry, agbalin nga epektibo daytoy iti baetan ti Mayo 8 ken 9 kagiddan ti panangmarka ti World War II Victory Day.
Iti maysa a waragawag, imbaga ti ministry a maiyannurot daytoy iti desisyon ti Supreme Commander-in-Chief ti Russian Armed Forces a ni Russian President Vladimir Putin.
Imbaga pay ti Russia a daytoy ket para iti humanitarian considerations ken panangipaay dalan iti selebrasyon ti Victory Day.
Nupay kasta, agtalinaed a naka defense position iti Russian forces ken nagpangta ti nakaru a panagresponde nu aglabsing ti Ukraine iti ceasefire.
Iti met biang ti Ukraine, nangideklara met ti bukod na a tigil-putukan manipud May 5 agingga 6 ken ibilang da a saan a seryoso ti diaya a truce ti Russia.
Iti Victory Day ita a tawen idiay Russia ket maika-81 nga anibersaryo a panagballaygi ti Soviet Union kontra Nazi Germany idi Maikadwa a Gubat Sangalubongan.
