Kiniddaw ni Chinese Presidente Xi Jinping ti China ken Estados Unidos nga agbalin kas partido a saan nga agkalaban, sakbay iti high-stakes talks kadwa ni US President Donald Trump idiay Beijing.
Kinuna ni Trump a ti koordinasyon dagiti dua a superpowers ket agbalinen a nasaysayaat ngem kadagiti naglabas.
Manamnama a madakamat dagiti sensitibo nga isyu, pakairamanan ti taripa, kompetisyon ti technology, gyera idiay Iran, kasta met iti Taiwan.
Sinarungkar ni Xi ni Trump babaen ti maysa a red-carpet ceremony iti ruar ti Great Hall of the People, nag-alamano dagitoy ken naragsaak a kimmablaaw kadagiti summangaili nga ubbing ken soldado.
Simmangpet ni Trump idiay Beijing kadwa dagiti tech executives na, pakairamanan da Elon Musk ti Tesla ken Jensen Huang iti Nvidia.
Sakbay a limmapag ket kinuna ni Trump nga allukoyen na ti China nga agbalin a naluklukay iti industriya ti Estados Unidos.
