Nagyaman iti aktor a ni Dennis Trillo kalpasan a makalasat iti maysa a vehicular accident idi parbangon kalman, Mayo 25.
Iti Facebook post nga idi agangay ket indelete ngem inbinglay dagiti sumagmamano a netizen, kenuna ni Dennis a maipagarop a nakaturog iti panagmaneho ti 18-anyos nga anakna bayat nga agmaymaysa nga agbibiyahe agarup alas-singko ti bigat.
Gapu iti napigsa nga impact, naan-anay a nadadaek iti lugan kalpasan a timmaob. Awan met ti sabali a lugan wenno tao a nairaman iti insidente.
Nagpasar laeng ni Calix dagiti pasa iti ulo ken takiag, ken limteg iti makinkattigid nga imana.
Nagyaman ni Dennis gapu ta saan a nakaro iti napasamak iti anakna.
Inusar met ti aktor iti insidente tapno palagipan iti publiko maipanggal iti peggad ti panagmaneho bayat nga agtugtuglep.
Ni Calix ket anak ni Dennis Trillo iti sigud a beauty queen-actress a ni Carlene Aguilar. Adda pay ni maysa a putotna a ni Dylan iti asawana a ni Jennylyn Mercado.
Maipalagip a nairaman met ni Calix iti vehicular accident idi 2014 kadua dagiti sumagmamano nga estudyante kalpasan a dimmungpar iti school van-da idiay Quezon City.###
