Saan nga amin a mahistrado ti Korte Suprema a naidutok idi administrasyon ni sigud a Presidente Rodrigo Duterte ket nagbotos para iti pannakaibasura ti kiddaw ni Senador Ronald dela Rosa nga ipatungpal ti arrest order manipud International Criminal Court (ICC) kontra kenkuana.
Maibasar iti inruar a resolusyon ti Korte Suprema, lima a Duterte appointees ti nagbotos a pabor iti pannakaipaay ti temporary restraining order (TRO) kenni Senador Dela Rosa.
Karaman kadagitoy ket isuda Associate Justices Ramon Paul Hernando, Amy Lazaro-Javier, Henri Jean Paul Inting, Ricardo Rosario, ken Antonio Kho Jr.
Kabayatanna, dagiti met siyam a mahistrado a nagbotos nga ibasura daitoy a Duterte appointees ket isuda Chief Justice Alexander Gesmundo; Associate Justices Rodil V. Zalameda, Samuel H. Gaerlan, Jhosep Y. Lopez, Jose Midas P. Marquez, ken Maria Filomena D. Singh.
Isuda Senior Associate Justice Marvic M.V.F. Leonen ken Associate Justices Benjamin S. Caguioa met ket agpada nga appointees ni Presidente Benigno Aquino III bayat a ni Associate Justice Raul B. Villanueva met ket appointee ni Presidente Ferdinand Marcos Jr.
Ni laeng Associate Justice Japar B. Dimaampao, a Duterte appointees iti nakaleave idi impila ti kampo ni Senador Dela Rosa iti mosyon.
Gapo iti pannakaibasura ti TRO, binilinen ti Department of Justice iti Philippine National Police ken National Bureau of Investigation nga iserbi ti arrest warrant ti ICC kontra iti Senador.
